14 кастрычніка ў Беларусі адзначаецца Дзень маці. Для нас гэта традыцыйная добрая нагода павіншаваць тых, кім мы не перастаем захапляцца кожны дзень. Нашых мам!
Дарагія матулі! Мы не перастаем захапляцца вашай пяшчотай і сілай, вашай прыгажосць і самаадданасці, шчырасцю і дабрынёй! Вы і вашы дзеці вартыя ўсяго шчасця, якое ёсць на нашай зямлі!
У гонар свята ўсе нашы выдатныя мамы, чальцы нашага грамадскага аб’яднання атрымаюць па пошце выдатныя віншавальныя паштоўкі з ілюстрацыяй, якую адмыслова для іх з цеплынёй і каханнем трэці год запар падрыхтавала адна з нашых мам, выдатная Марыя Каралёва, дзякуй табе, Маша!
Паглядзіце фотасправаздачу нашых мам з дзеткамі і з паштоўкамі, якія даслалі нашы цудоўныя матулі! Дзякуй за тое, што вы такія файныя ёсць у нас:)