18 лютага 2024 года ў рамках праграмы "Дакранайся цеплынёй" у Мінску адбыўся майстар-клас па вырабу вязаных камплектаў для неданошаных дзяцей.
Вядучая майстар-класа Анжэла Чувыкіна, майстрыца на ўсе рукі, каардынатар праграмы "Дакранайся цеплынёй", навучыла усіх гасцей нашага ўтульнага офіса вязаць шкарпэткі і шапачкі для самых маленькіх жыхароў нашай краіны, якім патрэбна наша цяпло і самыя лепшыя ўмовы, каб хутка трапіць у бацькоўскія рукі!
Мы дзякуем усм удзельнікам за жаданне памнажаць дабро і цеплыню!
Кожны чалавек, які далучаецца да праекту, робiць свой маленькі, але важны ўнёсак у справу прыцягнення ўвагі да праблемы заўчасных родаў і падтрымае неданошаных дзяцей і іх сем'і!
Дзякуй за тое, што вы з намі!